Personvern og informasjonskapslar

Kven er ansvarleg

Behandlingsansvarleg er verksemda som driv appen. [Fyll inn firmanamn, organisasjonsnummer og postadresse]

Spørsmål om personvern går til dagleg leiar eller til den som er sett som administrator i appen: [Fyll inn e-postadresse]

Informasjonskapslar (cookies)

Appen brukar to informasjonskapslar. Begge er strengt nødvendige for at innlogginga skal fungere og vere trygg, og begge blir sette berre når du er logga inn. Vi hentar difor ikkje samtykke for dei, jf. unntaket i ekomlova for lagring som er nødvendig for ei teneste brukaren sjølv har bede om. Vi brukar ingen informasjonskapslar til analyse, statistikk, marknadsføring eller sporing, og ingen tredjepart set kapslar gjennom appen.

session

Held styr på kven du er logga inn som. Innhaldet er signert, slik at det ikkje kan endrast av nettlesaren. Kapselen er merkt HttpOnly (ikkje lesbar for skript), SameSite=Lax og Secure i drift. Levetid: inntil 30 dagar etter innlogging, eller til du loggar ut.

På sjølve innloggingssida blir denne kapselen sett før du loggar inn. Det er fordi han då ber tokenet som vernar innloggingsskjemaet mot misbruk frå andre nettstader. Han inneheld ingen opplysningar om deg før du faktisk har logga inn.

csrf_token

Eit tilfeldig tal som vernar mot at ei anna nettside kan sende forespurnader i ditt namn. Må vere lesbar for appen sitt eige skript og er difor ikkje HttpOnly. Han inneheld ingen opplysningar om deg. Levetid: til du lukkar nettlesaren.

Opnar du appen utan å gå via innloggingssida - det offentlege stoffkartoteket frå ein QR-kode, eller denne sida - blir det ikkje sett nokon informasjonskapsel i det heile.

Anna lagring i nettlesaren

Reglane for informasjonskapslar gjeld all lagring på eininga di, ikkje berre kapslar. Appen brukar i tillegg:

Lokal lagring (localStorage)

Alt dette ligg berre på eininga di, blir aldri sendt til serveren, og forsvinn om du tømmer nettlesardata for sida:

• Visningsval: tema (mørkt/lyst), aksentfarge og tettleik frå Utsjånad-sida.
• Skjemaval du har brukt sist: standardverdiar i hurtigregistrering av produkt, val av felt i eksport, og kva varselkanal du sist valde.
• Uferdig avviksmelding: skriv du eit avvik utan å sende det, blir utkastet teke vare på lokalt så du ikkje mistar det. Det kan innehalde det du har skrive om ei hending. Utkastet blir fjerna når meldinga er sendt.
• Dine siste søk: ei kort liste over kva du har søkt etter, slik at søkefeltet kan tilby dei att.
• Mellomlagra kontoinfo: brukarnamnet ditt og kva tilgangar du har, slik at venstremenyen kan teiknast rett med ein gong i staden for å blinke. Same opplysningane som serveren alt har.

Merk at det å logge ut ikkje tømmer denne lokale lagringa - ho høyrer til nettlesaren, ikkje til innlogginga. Deler du eininga med andre, må du tømme nettlesardata for sida for å fjerne ho.

Offline-lagring (service worker)

Appen tek vare på ein kopi av sider, skript og stilark slik at han verkar når nettet er borte. Kopien ligg på eininga di og blir bytt ut når det kjem ein ny versjon.

Push-varsel

Slår du på push-varsel, lagrar vi ei abonnementsadresse frå nettlesaren din saman med brukarkontoen din, slik at varselet finn fram. Adressa peikar på pushtenesta til nettlesarleverandøren din (til dømes Google, Mozilla eller Apple). Dette er frivillig og av som standard - du slår det av att under Min konto.

Kva opplysningar appen behandlar

Appen er laga for tilsette, og opplysningane heng saman med arbeidet:

• Kontoopplysningar: brukarnamn, namn, e-postadresse, rolle og tilgangar, passord lagra som hash (aldri i klartekst), og om tofaktor er slått på.
• Aktivitet i appen: kva du bestiller, tek imot, registrerer på verktøy, prosjekt, teikningar, branntetting, avvik og oppgåver - med tidspunkt og kven som gjorde det.
• HMS og kompetanse: sertifikat, kurs og fristar knytte til deg, og verneutstyr du har ansvar for.
• Innlogging og tryggleik: ein tryggleikslogg med tidspunkt, IP-adresse og nettlesar for innloggingar, mislykka innloggingsforsøk og sperringar - så vi kan sperre etter fleire feil og oppdage innbrotsforsøk. Loggen blir sletta automatisk etter 90 dagar. I tillegg ein revisjonslogg over administratorhandlingar.
• Varsel: e-postadressa di om du abonnerer på varsel, og protokoll over utgåande e-post.

Appen driv ikkje åtferdsanalyse eller profilering, og tek ingen automatiserte avgjerder om deg.

Kvifor - og med kva rett

Behandlinga skjer for å kunne drive verksemda: halde orde på lager og bestillingar, dokumentere utført arbeid overfor kundar, og oppfylle krav i lov og forskrift. Rettsleg grunnlag er personvernforordninga artikkel 6 nr. 1 bokstav b (arbeidsavtalen), bokstav c (rettsleg plikt - mellom anna internkontrollforskrifta sitt krav om stoffkartotek, avvikshandtering og dokumentert opplæring) og bokstav f (rettkomen interesse i forsvarleg drift og tryggleik).

Kven andre ser opplysningane

Kollegaer ser det dei treng for arbeidet; administratorar ser meir. Utover det blir opplysningar delte med:

• Leverandøren som driftar serveren appen køyrer på.
• E-posttenesta som sender varsel og rapportar frå appen.
• Pushtenesta til nettlesaren din, om du har slått på push-varsel.
• Rekneskaps- og ordresystem som appen eksporterer til, når ein materialliste eller ein ordre blir overført dit.

Oppslag mot grossistane sine katalogar sender berre varenummer - aldri opplysningar om deg. Vi sel ikkje opplysningar vidare, og opplysningane blir ikkje overførte ut av EØS utan at det finst eit gyldig overføringsgrunnlag.

Kor lenge

Kontoen din blir sperra når du sluttar. Arbeidsdokumentasjon - bestillingar, prosjekt, teikningar, branntetting, HMS - blir teken vare på så lenge dokumentasjonsplikta og garantiansvaret varer. Sikkerheitskopiar blir rullerte, slik at gamle kopiar fell bort av seg sjølv. Protokollen over utgåande e-post og revisjonsloggen blir korta ned jamleg, og tryggleiksloggen med IP-adresser blir sletta etter 90 dagar.

Rettane dine

Du har rett til innsyn i kva som er lagra om deg, til å få retta det som er feil, til å få sletta det som ikkje lenger trengst, til å be om avgrensa behandling, og til å få opplysningane dine utleverte i eit vanleg filformat. Du kan òg protestere mot behandling som byggjer på rettkomen interesse.

Ta kontakt med administratoren i appen, så får du svar innan éin månad. Meiner du at vi handterer opplysningane feil, kan du klage til Datatilsynet.